Dakbayan sa Sugbo moapil sa pag-obserbar sa Earth Hour ugma

KARONG Sabado, Marso 25, laing pag-obserbar sa Earth Hour ug ang kagamhanan sa siyudad sa Sugbo maoy host sa programa sa Plaza Independencia.

Nagkalainlaing aktibidad ang giandam diin ang tumong niini aron makatabang sa pro­blema sa climate change.

Ang Earth Hour usa ka worldwide movement nga gi-or­ganisa sa World Wide Fund for Nature (WWF) ug nag-awhag kini sa mga indibidwal, komunidad, business sector ug uban pa nga pagngon ang suga sud sa usa ka oras gikan sa alas 8:30 sa gabii hangtod na sa alas 9:30.

Labing unang higayon kini nga ang siyudad mo-host sa kalihokan pinaagi sab sa pakig-alayon sa mga pribadong sektor ug non-government organization nga nag­pa­kabana sa problema sa klima.

Matod ni Teody Navea, Secretary General sa Sanlakas nga karong Sabado aduna sila’y kalihokan nga himuon ug ang ilang speaker mao si Cebu Archbishop Jose Palma diin may kalabutan sa planong pagtukod og coal plant sa Sa­wang Calero.