ANAK maoy gidakop human ang iyang amahan nakaeskapo sa buy-bust operation kagahapon sa buntag sa Sitio Cassare, Barangay Cansojong, dakbayan sa Talisay.
Ang subject mao si Deolan Aparici alyas Deolan nga nakasibat atol sa operasyon.
Apan ang iyang anak nga giingong maoy motunol usab sa shabu maoy gidakop nga si Dixie Rob Neri Aparici, 18, nagpuyo sa nahisgutang lugar.
Samtang laing nasikop mao ang kustomer ni Aparici nga si Bryan Pepito, 28, minyo, ug taga Sitio Kalbasa-an, Barangay Campo 7.
Si PO2 John Xyrus Ilustrisimo sa Talisay City Police Station miingon nga ang suspek ilado sa lugar nga maoy tigbaligyag shabu.