Bata patay sa sunog | SunStar

Bata patay sa sunog

Time to read
1 minute
Read so far

Bata patay sa sunog

Thursday, April 20, 2017

Giputos. Mga taga punerarya mingputos sa lawas ni Frederick Sumagang, 11, human kini makaplagi taliwa sa ilang balay nga naugdaw sa sunog kagahapon sa Sityo Cabancalan, Brgy. Bulacao, dakbayan sa Sugbo. Gituohan nga ang bata nagduwa og kayo dihang nahigmata og sayo nga wa nila mamatnguni. (Allan Defensor)

NAMATAY ang 11 anyos nga special child atol sa sunog nga miugdaw og kapin sa 40 ka mga balay sa sityo Ca­bangkalan 1, Barangay Bulacao, dakbayan sa Sugbo.

Gidudahan nga nagduwa og kayo ang bata nga maoy hinungdan sa sunog.

Ang alarma nadawat sa kabomberohan mga alas 5:55 sa buntag ug nakontrolar 20 minutos ang nakalabay.

Ang namatay giila nga si Fredi­rick Sumagang, anak sa tag-iya sa balay nga si Juani Sumagang.

Matod ni SFO3 Pier Angelo Abellana nga natulog ang tibuok pamilyang Sumagang sa ilang sala.

Namat-an na lang ni Juani, inahan ni Frederick, nga init ang ilang palibot.

Iyang nakit-an ang kayo nga nagdilaab sa bakante nila nga lawak duol sa sala nga gihimo nga stock room.

Daling silang nanggawas u­­­ban sa lain pang unom unom ni­­la ka mga anak, apan wa na ig­kita ang iyang 11 anyos nga anak.

Si Juani nipahibawo na da­an sa kabomberuhan nga wa niya igkita si Frederick.

Samtang nagpadayon og bomba sa tubig ang kabomberohan sa pagpawong sa kayo, ila nang nakita ang bata nga nasunog lakip sa ilang balay.

Matod ni Abellana nga nagduda ang inahan nga posibling nimata sa kaadlawon si Frederick ug nisulod sa stockroom diin nagduwa og kayo.

Dugang pa ni Juani ngadto sa mga bombero nga ma­kadaghan na nila mabadlong si Frderick kay magsige og duwa sa kayo.

Diha nay higayon nga ila kining naabtan nga nagduwa og kayo og diriyot sila masunog.

Ang sunog mibilin og danyos nga P350,000.

Gipatik sa mantalaang Superbalita Cebu Abril 21, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments