2 ka bigtime pushers sikop | SunStar

2 ka bigtime pushers sikop

Time to read
1 minute
Read so far

2 ka bigtime pushers sikop

Friday, April 21, 2017

DUHA ka bigtime drug pus­hers ang nadakpan sa operation sa kapulisan sa managlahing dapit sa dakbayan sa Carcarsa miaging gabii ug kagahapon sa buntag.

Si Alejandro Bargamento, 36, dunay kapuyo taga Barangay Perelos, Carcar, nadakpan niadtong Huwebes sa alas 11:30 sa gabii sa ilang lugar atol sa joint buy-bust operation sa Provincial Intelligence Branch (PIB), pinanguluhan ni Supt. Joie Yape , hepe sa PIB-CPPO, Provincial Drugs Enforcement Units (PDEU) coordination sa Philippine Drugs Enforcement Agency (PDEA-7).

Ang joint team nipahigayon og surveillance batok kang Bargamento, pipila ka buwan, human milutaw kini nga usa sa mga bigtime drug pusher, sa dapit nga nalakip sa high-value target.

Si Bargamento nakuhaan og mga drugas sa buy-bust ope­ration sa usa ka dakong bulto nga shabu, medium nga putos, 10 ka gagmayng putos, usa ka pakite ug buy-bust money nga P300.

Ang drugas mobalor kini sa P80 mil pesos basi sa Dangerous Drugs Board (DDB) value.

Si Bargamento, nahinabi sa Superbalita Cebu, miangkon sa krimen nga namaligya siya human nitahan sa Tokhang sa miaging tuig tungod sa iyang kawad-on nga way kapanginabuhian.

Laing bigtime drug pusher nga si Roy Camanero Leteral gipusasan sa joint team sa PIB-PDEU-CPPO human nakuhaag binultong shabu sa buy bust operation kagahapon sa alas 6:45 sa buntag sa Sitio Ylaya, Barangay Bolinawan, Carcar.

Si Leteral nakuhaan kinig 1 ka dakong bulto nga ptos, 50 ka gagmayng putos, 1 ka gamayng putos nga subject sa buy-bust nga P300, mobalor tanan ang drugas sa P60 mil.

Nakuhaan sab siyag usa ka kalibre.45, nga dunay 6 ka buhing bala sulod sa magasin.

Si Leteral usa sa mga bigtime drug pusher sa dapit nga konektado sa ubang drug personality sa Metro Cebu.

Si Leteral, nga nahinabi sa Superbalita, niangkon nga kawad-on gihapon ang nagtukmod kaniya nga mopadayon sa pagpamaligyag drugas, hu­man si nabaldado dihang napusilan, gibiyaan sa kapu­yo busa niapil sa rugas.

Gipatik sa mantalaang Superbalita Cebu Abril 22, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments