Kapitolyo motabang sa mga biktima sa baha sa Carmen | SunStar

Kapitolyo motabang sa mga biktima sa baha sa Carmen

Time to read
less than
1 minute
Read so far

Kapitolyo motabang sa mga biktima sa baha sa Carmen

Friday, April 21, 2017

GAWAS sa burial assistance, makadawat usab ang mga pamilya sa mga nangamatay sa baha sa lalawigan sa Sugbo sa miaging semana og dugang tabang pinansiyal gikan sa Kapitolyo.

Si Marivic Garces, pangu sa Provincial Social Welfare and Development Office (PSWDO), niingon nga P10,000 nga dugang hinabang ang ilang ihatag sa mga tagtungod sa 10 ka mga tawo nga nangamatay sa kalamidad, 8 niini sa lungsod sa Carmen, usa sa lungsod sa Alcoy ug siyudad sa Danao.

Matod niya mohangyo sila sa Sangguniang Panlalawigan sa Sugbo nga mopalabang og resolusyon sa dugang ayuda sa nagbangutang pamilya.

Ang burial assistance kay awtomatik nga ihatag sa kagamhanan sa lalawigan sa Sugbo kon dunay mamatay nga taga probinsya apan dili kini cash kondili ibayad ngadto sa punerarya alang sa lungon ug sa pagpalubong.

Nakahatag na usab sila og pasiuna nga hinabang sama sa bugas, mga pagkaong naa sa lata ug ubang panginahanglanon ang Kapitolyo sa mga pamilya sa nangamatay, apil ang mga pamilya nga gipabakwit gumikan sa baha.

Si Garces nipahibawo nga nahuman na sila og hatag sa apektadong mga pamilya sa Carmen, Consolacion ug Danao. Samtang, kagahapon sa Alcoy.

Gipatik sa mantalaang Superbalita Cebu Abril 22, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments