Mayor Gullas magtukod og taas nga edipisyo alang sa mga kabus

TALISAY City Mayor Ed­uardo Gullas planong motukod og high-rise building aron himuon og condominium alang sa ilang informal setllers.

Si Gullas nibutyag nga si Kongresista Gerald Anthony Gullas ug konseho nakigtagbo na sa mga investor labot sa ilang laraw.

Matod niya ang mga investors gikan sa China gusto og Public-Private Partnership (PPP) nga way gasto ang siyudad. 

Ang pribadong kompaniya nangita lang og 2.5 ka ektaryang luna alang sa tulo ka high-rise building nga aduna’y tag-upat ka andana.

Hinuon, si Gullas mipasalig nga anaa ra sila niini diha sa dakbayan sa Talisay.

Ang himuon sa siyudad nga maseguro nga ang makapahimulos mao kadtong mga ka­bus nga walay sarang nga makatukod og balay.

Gunikan niini, mohimo sila komitiba nga motuon kon asa nga dapit, kinsa ang makabenepisyo ug tagpila unya ang ilang binuwan nga mabayran sa condominium.

Sa pagkakaron, tulo ka mga dapit ang ilang gitumbok nga posibling itanyag nga mahimong matukoran. /DRT