2 patay, 7 naangol sa aksidente sa Bogo | SunStar

2 patay, 7 naangol sa aksidente sa Bogo

Time to read
less than
1 minute
Read so far

2 patay, 7 naangol sa aksidente sa Bogo

Monday, June 19, 2017

DUHA ka mga tawo ang nangamatay samtang laing pito ang nangaangol sa duha ka mga aksidente sa sakyanan sa Bogo City niadtong Dominggo.

Mga alas 12:15 sa kaadlawon, si Romanito Reyes Mendoza namatay human ang iyang motorsiklo nga gimaneho nadasmagan sa laing motorsiklo nga gimaneho ni Cristian Leve Olivar sa national highway sa Barangay Taytayan.

Ang backriders ni Mendoza nga sila si Renante Ravena ug John Daryl Mendoza nangaangol.

Sila si Olivar ug iyang kauban nga si Joey Palma Abella nakaangkon og gamay nga mga samad.

Sa Barangay Anonang Nor­te, si Marcelo Hinay Abo-abo namatay sa mga samad human ang iyang motorsiklo na slide sa karsada, ug niigo sa motorsiklo nga gimaneho ni Alvin Sumayang Itang nga iyang gikasugat mga alas 2:30 sa kaadlawon.

Ang angkas ni Abo-abo nga si Mayeth Pepito Jorge naangol.

Si Itang ug iyang angkas nga si Marjorie Duray Lora nangaangol usab sa aksidente. SunStar Cebu

Gipatik sa mantalaang Superbalita Cebu Hunyo 20, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments