EMB gihangyo pagsusi sa transfer station sa Inayawan | SunStar

EMB gihangyo pagsusi sa transfer station sa Inayawan

Time to read
less than
1 minute
Read so far

EMB gihangyo pagsusi sa transfer station sa Inayawan

Monday, June 19, 2017

GIAWHAG ni Konsehal Joel Garganera ang Environmental Management Bureau (EMB7) sa pagsusi sa transfer station sa Pasajero Motor Corporation (Pamocor) sa barangay Inayawan.

Ang Pamocor maoy bag-ong contractor sa Cebu City Government nga mohakot sa gatusan ka toneladang basura matag adlaw human na-disqualified ang Jomara Konstruckt Corporation sa miaging bidding gumikan sa tax clearance.

Gusto ni Garganera nga masusi ang maong transfer station sanglit iyang gihulagway nga daw susama na sa usa ka landfill ang gidaghanon sa basura nga nagtipun-og ug wa pa mahakot.

Ang konsehal nipadala og suwat ngadto kang Regional Director William Cuñado sa EMB 7 kagahapon sanglit naalarma si Garganera kay ang baho naaabot na sa silingan nga mga lugar sama sa South Road Properties ug dakbayan sa Talisay nga silingan sa Inayawan.

“In the light of the current Solid Waste Management problems we are currently facing, we would like to request your kind office to conduct an ocular inspection in the transfer station situated in EVO barangay Inayawan,”tipik sa suwat ni Garganera.

Si Mayor Tomas Osmeña, sa iyang bahin, nibutyag nga nahibawo siya sa problema.

Gipatik sa mantalaang Superbalita Cebu Hunyo 20, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments