Libro ni Chef Tatung miani og international award | SunStar

Libro ni Chef Tatung miani og international award

Time to read
less than
1 minute
Read so far

Libro ni Chef Tatung miani og international award

Monday, June 19, 2017

(File Foto)

LIBRO sa maglilindog sa Superbalita Cebu nga usa usab ka inilang chef sa nasod nidaog og internas­yonal nga kompetisyon.

Gipilde ni Mike “Chef Ta­tung” Sarthou ang ubang libro gikan sa 57 ka mga nasod atol sa 22nd Gourmand World Cookbook Awards sa Yantai China.

Iyang naangkon ang Best Book by a TV chef outside Europe.

Si Sarthou ang nisuwat sa iyang labing unang libro nga "Philippine Cookery from Heart To Plat­ter" nga usa sa labing himalitan nga matang sa librong gipatik sa ABS-CBN.

"Dako ka­ayo ang a­kong pa­sa­lamat sa akong pagka Cebuano kay gikan sa atong Sutukil ko nakakuha og inspiration sa maong libro nga nagtuki sa Philippine cooking methods," matod ni Sarthou, kinsa ni­dawat sa iyang award niadtong Mayo 27 sa China.

Iyang gipilde ang ubang mga libro nga nagagikan sa mga nasod sa India, Singapore, Brazil, South Africa ug uban pa.

Ang lindog ni Sarthou nga “Inato” mogawas sa Superbalita Cebu matag Sabado.

Mao kini ang bugtong lindog kabahin sa unsaon pagluto ang nagkadaiyang putahe nga siya mismo ang nag-andam.

Nagplano siyang mopagawas og laing libro sa pagpangluto, ning higayuna, Cebuano na ang iyang gamiton nga linggwahe.

Gipatik sa mantalaang Superbalita Cebu Hunyo 20, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments