Opisyal sa CPDAO mikompirmar nga kapitan naa sa listahan sa pushers | SunStar

Opisyal sa CPDAO mikompirmar nga kapitan naa sa listahan sa pushers

Time to read
less than
1 minute
Read so far

Opisyal sa CPDAO mikompirmar nga kapitan naa sa listahan sa pushers

Monday, June 19, 2017

GIHULAGWAY nga moderately affected sa gidili nga drugas ang Barangay Lamintak Norte sa lungsod sa Medellin kansang kapitan nga si Rene Olivar ug Konsehal Rex Ba­terna nasikop sa mga awto­ridad sa miaging semana.

Si Ivy Durano-Meca, pangu sa Cebu Provincial Anti-Drug Abuse Office, nibutyag base sa report nga ilang nadawat dunay presensiya sa 13 ka mga pusher ug 36 ka users ang Barangay Lamintak Norte.

Siya niingon ang usa ka barangay nga gihulagway nga moderately affected nagpasabot nga duna kini presensiya sa pushers ug users.

Matod ni Meca wa maapil ang Barangay Lamintak Norte sa mga gisugyot nga ideklarar nga drug free sa Medellin. Tulo lang ka mga barangay ang giduso ngadto sa oversight committee nga mahimong drug free-- Caputatan, Dalingding ug Maharuhay.

“Pero kato lang siya he (Olivar) is really known gyud to siya. Naa gyud to siya sa lista kato siya nga kapitan,” pagtug-an ni Meca.

Niadtong Huwebes sa miaging semana, sila si Olivar, 55, presidente sa Association of Barangay Councils sa Medellin ug Baterna, 40, nasikop sa mga sakop sa Provincial Intelligence Branch sa Cebu Provincial Police Office.

Kini human ang kapitan nakuhaan og mga armas nga way mga lisensiya samtang gidili nga drugas ug paraphernalia ang konsehal atol sa ronda pinasikad sa search warrant nga giisyu ni Executive Judge Jacinto Fajardo, Jr. sa Regional Trial Court Branch 66, dakbayan sa Talisay.

Gipatik sa mantalaang Superbalita Cebu Hunyo 20, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments