Osmeña buot nang motutok sa pagbaligay sa luna sa SRP | SunStar

Osmeña buot nang motutok sa pagbaligay sa luna sa SRP

Time to read
less than
1 minute
Read so far

Osmeña buot nang motutok sa pagbaligay sa luna sa SRP

Monday, June 19, 2017

TUTOKAN ni Mayor Tomas Osmeña ang pagbaligya sa tulo ka ektaryang luna sa South Road Properties sa higayon nga ila nang maangkon ang mayoriya sa konseho pinaagi sa reorganization.

Ang presyo matag metro kwadrado ibaligya ni Osmeña ngadto sa gustong mopalit og labing minos P110,000.

Matod ni Osmeña nga iyang ipakita sa mga Sugbuanon kon giunsa sila paglimbong sa mga dagkong developer nga nipalit sa yuta og tag P38,000 matag metro kwadrado sa miaging administrasyon.

Laing tinguha sa mayor mao nga iyang ipamatuod ngadto kang Secretary Michael Dino sa Office of the Presidential Assistant for the Visayas nga bakakon siya human niingon ang alter ego ni Presidente Rodrigo Duterte sa Visayas nga di makabaligya si Osmeña.

Gihulgway sa mayor nga dili problema ang pagpangita og buyer sa luna sanglit nahibawo siya sa iyang gibuhat.

Karong adlawa, ipahigayon usab ang public hearing sa ordinansa nga magtugot sa mayor nga makabaligya sa maong propriyedad diin tambungan kini sa mayor.

Si Osmeña nibutyag nga posibleng molusad og reorganization ang konseho sa mosunod nga regualar session.

Gipatik sa mantalaang Superbalita Cebu Hunyo 20, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments