ARON mas molambo pa ang relasyon sa Chengdu, China ug Cebu City, usa ka Memorandum of Understanding(MOU) ang gipirmahan ni Mayor Tomas Osmeña ug ni Chengdu Mayor Luo Quiang niadtong Miyerkules.
Matod ni Osmeña, wala pa sila’y mga natuki nga mga proyekto tali sa Chengdu apan kini naghinaot nga unta ang Chengdu makatabang sa dakbayan sa Sugbo.
Dugang sa Mayor nga dili ingon ana kadako ang iyahang kasayuran mahitungod sa Chengdu lakip na ang abilidad niini pag-assist sa dakbayan.
“It was suggested to me and then of course we have a very big presence of Chinese community here. I don’t know ye. There’s no initial discussion about it,” si Osmeña nagkanayon.
Nakalatid sa gipirmahang MOU nga mas palambuon sa matag ang habig ang mutual understanding ug panaghigalaay sa duha ka nasod, nagkauyon usab sila nga mo-establisar og friendly cooperative relations base na sa principle sa equality ug mutual benefit ug mokooperar sila alang sa pag-develop og education, culture, tourism ug agrilcuture.
Subay niini, ang city government sa Chengdu, Chinakinahanglan mo-establisar og information sharing mechanism sa mga kalikuhan nga may kalabutan sa culture, agriculture, tourism ug uban pang kalihokan.
Gawas niini, gilauman usab nga mas hingusgan nila ang education cooperation sa sisterhood..
Atol sa signing sa MOU, ang pangulo sa Cebu City Disaster Risk Reduction Management Office Nagiel Bañacia ug Vice Director-General sa Chengdu sa Municipal and Overseas Affairs Office Lyu Tianyu mao ang nahimong saksi sa pinirmahay sa kasabotan.