UNOM ka buwan ang target ni Cebu City Mayor Tomas Osmeña nga mabaligya ang tulo ka ektarya nga luna sa South Road Properties (SRP) human siya hatagig pagtugot sa konseho.
Base sa ordinansa nga napasar sa konseho, gitugotan ang mayor sa pagbaligya sa luna diin balor og P110,000 matag metros kwadrado.
Matod ni Osmeña nga gusto niya nga mabaligya ang luna sa labing mahal nga kantidad ug nagtuo kini nga mas labaw pa sa P110K ang kantidad sa pagbaligya niya niini.
“We're going to publicize that, so that the whole world will know,” matod ni Osmeña.
Dugang sa Mayor, wala siyay problema sa pagbaligya sa luna ug gusto nga daghang negosyante ang mopadayag usab sa ilang tumong sa pagpalit sa lunna, dili sama sa miaging admnistrasyon. (HBL)