PRO 7 chief bag-o | SunStar

PRO 7 chief bag-o

Time to read
1 minute
Read so far

PRO 7 chief bag-o

Monday, July 17, 2017

Turnover ceremony. Si Chief Supt. Mario Espino (wala) midawat sa symbol of command gikan kang Police Deputy Director General Archie Francisco (tuo). Si Espino maoy hulip ni Chief Supt. Noli Taliño (tunga), kinsa gidestino na ngadto sa Camp Crame. (Arni Aclao)

MAGPADAYON ang kampanya ug hugot nga kombate batok sa illegal drugs ug ubang mga krimen.

Mao kini ang gisaad ni Chief Superintendent Jose Mario Espino, bag-ong direktor sa Police Regional Office (PRO) 7, sa iyang pag-asumer kagahapon hulip kang Chief Supt. Noli Taliño, kinsa ibalhin sa Camp Crame alang sa iyang promotion ngadto sa two-star nga ranggo.

Iyang gihulipan si Chief Supt. Patrocinio Comendador wa pay tuig ang nakalabay.

Matod ni Espino nga kinahanglan kanunay busy ang kapulisan sa pagdakop sa mga drug lord, pusher ug kriminal sa iyang paggawas pa lang sa balay.

“Actually yun ang problem natin lalabas ang polis sa kanyang bahay punta siya ng trabaho, hindi niya alam kung ano ang gagawin niya. Nasa isip niya lang ang magpatrolya, pero kung nagpatrolya ka busy ka na manghuli sa mga masasama,” nagkanayon si Espino.

Iya usab nga gipahimangnoan ang badlungon ug hiwi nga mga pulis sa pag-usab kay di siya magpanuko sa pagsilot kanila.

Si Taliño naila sa iyang ma­lampuson ug hugot nga kampanya batok sa illegal drugs.

Sa iyang pangatungdanan, nakasikop ang kapulisan og 9,274 drug personalities sa 5,935 ka mga operasyon samtang 13 ka mga pulis sa PRO 7 ang nakiha ug nabalhin sa ubang units.

“Our aggressive campaign on illegal drugs has yielded great impact in our peace and order situation in Central Visayas,” nagkanayon si Taliño.

Laing agi ni Taliño mao ang hingpit nga pagpuhag sa Abu Sayyaf Group (ASG) nga ningsud sa Bohol ug pagkasikop sa usa ka police official nga giingong ilang kakunsabo kuyog sa usa ka bomb expert.

Si Supt. Maria Cristina Nobleza, deputy crime laboratory chief sa Davao region, nasikop uban sa iyang bana nga si Reinorlo Dungon, usa ka bomb expert.

Si Nobleza hingpit nang gitaktak sa serbisyo human pirmahi ni Presidente Rodrigo Duterte ang mando sa PNP.

Malampusong natapos ang mga tigom sa Association of Southeast Asian Nations (Asean) taliwa sa hugot nga seguridad, bisan ang gipahigayon sa Bohol nga maoy giatake sa ASG. (SunStar Cebu)

Gipatik sa mantalaang Superbalita Cebu Hulyo 18, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments