Singer gikiha og rape sa 19-anyos | SunStar

Singer gikiha og rape sa 19-anyos

Time to read
less than
1 minute
Read so far

Singer gikiha og rape sa 19-anyos

Monday, July 17, 2017

GIPASAKAAN og kasong rape sa Cebu City Prosecutor’s Office ang singer nga si Noven Belleza, kinsa gidakop ug gipriso sa Mabolo police station sa Cebu City Police Office (CCPO) niadtong Sabado human gireklamo sa usa ka 19 anyos nga dalaga og pagpanglugos.

Si Belleza mao ang labing unang winner sa Tawag ng Tanghalan nga noontime show sa ABS-CBN.

Nasikop si Belleza niadtong Sabadong sa gabii human niadto sa Mabolo police station ang dalaga, kinsa nipasangil kang Belleza nga nanlugos kaniya niadtong Sabado sa kaadlawon sud sa usa ka condominium unit sa brgy. Lahug, diin gi-house ang singer.

Wa madala sa Mabolo police sa inquest proceeding si Belleza sanglit tua pa sa tambalanan human matod pa nakasinati og panakit sa dughan dihang gipriso niadtong Dominggo.

Giingon nga dehydrated si Belleza.

Bugtong ang dalaga ang niatubang sa inquest nga gipahigayon ni Asst. City Prosecutor Maria Theresa Casiño.

Wa tugti ang media nga makasaksi sa inquest tungod sa kasensitibo sa kaso.

Si Casiño niingon nga tun-an pa niya kon siya ang moadto sa tambalanan alang sa pag-inquest sa suspek o manduan ba sa pagpatim-aw sa iyang opisina.

Wa mohatag og pamahayag sa mga sakop sa media ang kampo sa biktima. (AZDL)

Gipatik sa mantalaang Superbalita Cebu Hulyo 18, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments