Babaye gipusil sa iyang kaipon, kritikal karon | SunStar

Babaye gipusil sa iyang kaipon, kritikal karon

Time to read
less than
1 minute
Read so far

Babaye gipusil sa iyang kaipon, kritikal karon

Saturday, August 12, 2017

KRITIKAL ang kahimtang sa usa ka babaye human pusila sa iyang kaipon sa dalan McArthur Boulevard, Barangay San Roque, dakbayan sa Sugbo, pasado alas 8:00 sa milabayng gabii.

Gikataho nga selos maoy usa sa gisubay sa kapulisan nga posibling motibo sa krimen.

Nadangat sa tambalanan ma­­­o si Angelica Mori, 20, nag­­puyo sa maong lugar.

Gitumbok nga nagpusil mao si Argin Alquizar, 24, way klarong trabaho.

Sa pasiuna nga imbestiga­s­yon sa mga sakop sa Homi­cide Section sa Cebu City Police Office nagbutyag nga samtang nagbarugbarog ang biktima sa dalan, kalit niabot ang suspek ug dayon namusil.

Dugang pa, tulo ka higayon gipusil ang biktima sa nagkadaiyang bahin sa lawas.

Human sa hitabo, ang suspek daling nakasibat sa lugar ug wala na maabti sa nires­ponding kapulisan.

Samtang, patay ang usa ka mamaligyaay og tubig human gipusil sa duha ka tawo nga nag­motorsiklo duol sa Campaña Maritima, Barangay San Roque, dakbayan sa Sug­bo, pasado alas 7:00 sa miaging gabii.

Ang biktima nailhan lang sa pangalan nga “Opaw” ug walay tino nga address, giingoong nisuway og sagang sa bala gamit ang kamot ug wala mailhan ang suspek nga nagmotorsiklo. (JFT)

Gipatik sa mantalaang Superbalita Cebu Agosto 13, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments