‘Tig-supply’ og drugs tipi | SunStar

‘Tig-supply’ og drugs tipi

Time to read
1 minute
Read so far

‘Tig-supply’ og drugs tipi

Saturday, August 12, 2017

Mga ebedensya. Gipresentar sa Philippine Drug Enforcement Agency (PDEA) 7 ang mga ebedensya nga ilang nakuha gikan kang Ronnie Abellanosa, gikatahapang drug pusher nga giingong tig-supply og illegal drugs sa mga tinun-an ug habalhabal drivers sa Banilad, Cebu City. (Alan Tangcawan)

GIINGONG drug pusher nga tig-suplayan og illegal drugs sa mga tinun-an ang napatay sa mga operatiba sa Philippine Drug Enforcement Agency (PDEA) 7 niadtong Biyernes sa gabii human giingon nga nisuway pagpusil atol sa operayon sa Barangay Banilad, dakbayan sa Sugbo.

Ang suspek mao si Ronnie Abellanosa, kinsa napatay sa agents PDEA 7 atol sa buy bust operation alas 6:20 sa gabii.

Giingon nga nisuway pagpa­buto si Abellanosa sa operatiba sa PDEA 7 dihang nakabantay siya nga duol ang agents niini.

Na-recover sa crime scene ang 25 gramos sa shabu nga nagkantidad og P125,400 ug ang aduna’y bala nga .357 Smith and Wesson revolver.

Ang maong buy bust subay sa taho sa opisyal sa barangay kabahin sa illegal nga aktibidad ni Abellanosa sa dapit.

Matod sa tigpamaba sa PDEA 7 nga si Leia Albiar nga nagbase ang suspek duol sa usa ka tunghaan diin gibaligyaan niini ang mga tinun-an, habal-habal dri­vers ug call center agents.

Samtang pipila ka oras ang nakalabay, laing tulo usab ka gikatahapang pushers ang nadakpan sa operasyon sa City Intelligence Branch (CIB) sa Barrio Luz.

Ang subject sa buy bust mao si Jeanrose Carredo, alyas Jen-Jen, 24 ug nasikop usab sila si Jollry Lim, 20; ug April Jumao-as, 19.

Nasakmit ang 25 gramos nga shabu nga nagkantidad og P295,000.

Sa dakbayan sa Carcar, nasikop usab si Robert Eballe alyas Momo, 32, naila nga high value target sa Sitio Tangasan, Valladolid.

Nakuha gikan kaniya ang 16.20 gramos sa shabu nga nagkantidad og P191,000.

Gipatik sa mantalaang Superbalita Cebu Agosto 13, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments