Bata gikomedyahan nanion og armas | SunStar

Bata gikomedyahan nanion og armas

Time to read
less than
1 minute
Read so far

Bata gikomedyahan nanion og armas

Monday, August 14, 2017

USA ka 15-anyos nga batang lalake nanion og armas ngadto sa laing bata nga nag-edad og 10-anyos nga lalake nga nikomedya kaniya sa Barangay Poblacion, lungsod sa Sibonga niadtong Sabad sa hapon.

Si "Kardo," 15, kasamtangang gikustodiya sa Department of Social Welfare and Development (DSWD) human gireklamo sa ginikanan sa silingang biktima nga usa ka 10-anyos.

Si Sr. Insp. Stephen Amamag-id, hepe sa Sibonga Police Station, nibutyag nga ang 10-anyos nga biktima nagla­kaw sa karsada padulong mopauli sa ilang panimalay gikan sa eskwelahan.

Apan dihang natungod ni Kardo, giingong nangomedya apan gitionan niini ang biktima sa gidalang .22 revolver.

Sa kahadlok sa biktima nga pusilon, naghilak nga nitug-an sa iyang ginikanan.

Ang mga ginikanan mangayo og abag sa mga opisyal sa barangay kinsa maoy nanawag sa kapulisan, uban sa Social Welfare ug Women's and Children Protection, gikustodiya ang suspek nga si Kardo.

Si Amamag-id, nagkanayon nga ang DSWD maoy nagevaluate sa kaso apan ilang gisubay kon kinsay tag-iya sa armas ug giingong gang sa menor de edad. (GPL)

Gipatik sa mantalaang Superbalita Cebu Agosto 14, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments