Bag-ong hepe sa Talisay makigkita sa mga kapitan | SunStar

Bag-ong hepe sa Talisay makigkita sa mga kapitan

Time to read
1 minute
Read so far

Bag-ong hepe sa Talisay makigkita sa mga kapitan

Wednesday, September 13, 2017

TINGUHA sa 22 ka mga barangay kapitan sa dakbayan sa Talisay nga moyagyag ang bag-ong hepe kon unsay iyang gustong nahitabo sa kampanya batok sa illegal nga drugas sa higayon nga moatubang na kini kanila.

Nasayran si Supt. Jason Villamater miingon nga isip bag-ong hepe sa Talisay gusto siyang makighimamat sa mga barangay kapitan aron mahisgutan ang ilang bulohaton ug ingon man ang pagtinabangay sa pagsulbad sa problema.

Kon dili man gani kini niya maadto sa ilang barangay motambong siya sa meeting sa Association of Barangay Council (ABC) pinangulohan ni Konsehal Raul Cabanero.

Si Kapitan Raul Cabañero sa Barangay Bulacao mihangop sa plano ni Villamater ug welcome kayo kini sa ilang meeting.

Apan gusto ni Cabanero nga dili lang pulos estorya o esplikar ang ilang gustong madunggan sa bagpong hepe kon dili kinahanglan nga moyagyag kini sa iyang gusting mahitabo ug unsay angayan nilang buhaton base sa gusto sa bag-ong hepe.

“Welcome kaayo siya namo ug mo lay down lang siya sa iyang plano. Dili kay wala’y plano kay kas ra kaayo sa oras. Dili na mag-discuss dritso nata,” matod ni Cabañero.

Si Supt. Villamater daan nang miingon nga gusto niyang lig-onon ug i-active gyud ang Barangay Anti Drugs Abuse Council (BADAC).

Hinuon giangkon gyud ni Cabanero nga aduna gyuy mga barangay nga dili aktibo sa ilang kampanya batok sa drugas ug igo lang kini nga mohimog report alang sa compliance.

Magkanayon si Cabanero nga dako siyang supak nga patyon ang mga nalambigit sa drugas gawas lang og mosukol na sa kapulisan.

Samtang supak usab siya sa shame campaign tungod kay sa maong pamaagi adunay mga katungod nga malapas.

Hinuon wa pa makatakda og petsa kon kanus-a gyud matigayon ang ilang panag­hugpong. (DRT)

Gipatik sa mantalaang Superbalita Cebu Septembre 14, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments