Osmeña uyon sa P1,000 sa CHR; del Mar supak | SunStar

Osmeña uyon sa P1,000 sa CHR; del Mar supak

Time to read
1 minute
Read so far

Osmeña uyon sa P1,000 sa CHR; del Mar supak

Wednesday, September 13, 2017

WAY pagsupak si Mayor Tomas Osmeña kon mahinayon ang P1,000 nga budget sa Commission on Human Rights (CHR) sa 2018 subay sa giaprobahan sa House of Representatives.

Ang mayor nagkanayon nga bias siya sanglit kaniadto, mohatag siya og reward nga P50,000 sa mga pulis nga makapatay og mga kriminal aron adunay ikagasto sa higayon nga mag-atubang sila og kaso sa CHR.

Iyang gihimong sanglitanan ang nahitabo ni SPO2 Adonis Dumpit kinsa napriso gumikan sa iyang pagpusil sa menor de edad nga giingong nalambigit sa tulis.

Way nakatabang kang Dum­pit hinungdan nga napriso.

Si Osmeña sab ang nagta­bang kang Dumpit nga ma­kap­yansa og P250,000 aron makagawas sa prisohan gumikan sa kasong homicide.

“I’m biased because I feel also for our policemen and many of them before hadlok gyud sila,“ matod sa mayor.

“So, in a way I’m happy because many policemen are afraid...if you shoot somebody you will be investigated and you won’t be given any assistance,” dugang sa mayor.

Apan si Kongresista Raul del Mar sa Cebu City north district supak sa paghatag og P1T nga budget sa CHR.

Usa siya sa wa mobotar sa paghatag og P1T nga budget sa CHR.

Sa usa ka press release, si del Mar nipasabot nga di ordinaryong ahensya sa kagamhanan ang CHR kay ang pagmugna niini gibase sa Konstitusyon.

Kon maaprobahan sa duha ka balay balauranan ang gahin, segurado siyang mapiang ang CHR.

“Because CHR has obligations under the Constitutions as well as to the international community that upholds human rights,” nagkanayon si del Mar sa iyang press statement.

Samtang si Mayor Paz Radaza nalipay nga ang iyang anak nga si Lapu-Lapu City lone district Rep. Aileen Radaza nisupak usab niini. (PAC & REV)

Gipatik sa mantalaang Superbalita Cebu Septembre 14, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments