P2M shabu nasakmit | SunStar

P2M shabu nasakmit

Time to read
1 minute
Read so far

P2M shabu nasakmit

Wednesday, September 13, 2017

Nadakpan. Gipresentar sa kapulisan sa dakbayan sa Sugbo ang mga drug suspect nga ilang nasikop ug nakuhaan og P2 milyunes kapin nga balor sa shabu sa managlahing operations. (Alan Tangcawan)

MGA sakop sa giingong mga drug lord sa Sugbo nangadakpan ug nakuhaan og P2.5 milyunes nga balor sa illegal drugs sa managlahing mga operasyon sa Cebu City Police.

Si Ozner Nabua,28, taga Brgy. Calamba, dakbayan sa Sugbo nadakpan sa buy bust niadtong Martes sa alas 6:30 sa gabii sa may Brgy. T. Padilla ning dakbayan.

Si Nabua nasikop nila ni Chief Insp. Christopher Navida, hepe sa City Intelligence Branch (CIB) ug Sr. Insp. Narolf Tan, hepe sa City Drugs Enforcement Unit.

Si Tan nga nahinabi sa Superbalita Cebu nagkanayon nga si Nabua nakuhaan nilag duha ka dagkong bulto ug lima ka gamayng putos nga motimbang og 100 gramos nga mobalor og P1,182,360 sa Dangerous Drugs Board (DDB) value.

Si Nabua giingong sakop sa drug lord nga si Ernesto Laurenciana, alias “Saddam”, nga naa sa Cebu City Jail.

Pagka-alas 8:00 sa gabii sa samang adlaw, nadakpan nila si Carlota “Lota” Alonzo, 36, dalaga, taga Brgy. Tabunok, dakbayan sa Talisay.

Siya nasikop sa buy bust sa may P. Lopez st., Brgy. Kalubihan, dakbayan sa Sugbo.

Si Tan nagkanayon nga si Alonzo mas nailang “Madam” sa mga binilanggo sa Talisay City Jail.

Nakuha nila sa possession ang usa ka dakong bulto ug lima ka gagmayng putos nga motimbang og 100.2 grams nga mobalor og P1,182,360.

Usa ka buwan ang ilang pag-monitor nila ni Tan kang Madam nga giingong sakop sa namatay nga drug lord nga si Rowen Secretaria, alias “Yawa”.

Samtang sa samang adlaw, alas 3:00 sa hapon, upat ang napusasan sa buy bust sa may Villagonzalo 2, Brgy.Tejero dakbayan sa Sugbo.

Si Janet Paslon,52, high value target, nakuhaag 17 gramos nga drugas mobalor og P200,000.

Nadakpan sab nila ni Tan ang mga kakonsabo ni Paslon nga sila si Irene Punis,40; Jeffrey Mabalatan; ug Arnel Jumawan, 34.

Gipatik sa mantalaang Superbalita Cebu Septembre 14, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments