Busay naigo na sab sa landslide | SunStar

Busay naigo na sab sa landslide

Time to read
less than
1 minute
Read so far

Busay naigo na sab sa landslide

Tuesday, September 26, 2017

NAG-UNG-ONG ang katunga sa dakong balay sa pangpang nga namugna gumikan sa pagdahili sa yuta sa lugar diin natabunan kanhi ang siyam ka mga sakyanan sa sityo Garahe, Barangay Busay, dakbayan sa Sugbo.

Ang landslide niresulta sa pagkasirado sa karsada paingon sa Mountain View resort, Temple of Leah ug Lantaw Restaurant nga maoy dagsaanan sa mga lokal ug langyaw nga turista.

Si Konsehal Yody Sanchez sa barangay Busay nagkanayon nga nagsugod ang pag-irog sa yuta alas 5 sa hapon sa niaging adlaw.

Ang mga bugon nag-anam og katagak ug pag-abot sa alas 9 sa gabii, nag-anam kini og kadagko ug kadaghan.

Pagka-alas 8 sa buntag ka­gahapon, ang mga konsehal pinangulohan sa iyang anak nga si Kevin Sanchez ni­responde sa lugar nga nahitaboan ug ni-cordone sa dapit.

Sa Lunes sa gabii wa na nila kini paagii sa mga tawo ug mga sakyanan. (PAC)

Gipatik sa mantalaang Superbalita Cebu Septembre 27, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments