2 ka barangay nag-ilog sa utlanan | SunStar

2 ka barangay nag-ilog sa utlanan

Time to read
1 minute
Read so far

2 ka barangay nag-ilog sa utlanan

Friday, October 06, 2017

DUHA ka mga barangay sa dakbayahn sa Talisay nga nag-ilog sa ilang utlanan ug pulos mibahad nga i­­­lang ipaabot ngadto korte kon dili mopabor ang desisyon sa konseho.

Una niini ang Barangay San Roque ug Barangay Tangke nag-ilog sa ilang utlanan sa yuta.

Ang duha nag-ilog human sa South Road Properties (SRP) ug nibarog ang Talisay Fish Port sanglit modako man usab ang ilang income.

Samtang, ang maong dugay na kaayong kasungian gitugyan na sa konseho sa Talisay ug ilang gitugyan ngadto ni Konsehal Raul Cabanero isip presidente sa Association of Barangy Captains (ABC) Pres.

Si Kapitan Abraham, Elzevier de los Reyes miingon nga paabuton ang resulta sa konseho apan miklaro nga kon dili mopabor kanila ang desisyon ila kining ipaabot ngadto sa korte.

Matod ni Kapitan delos Reyes nga klaro kaayo sa mga dukomento nga ilang gipresentar nga ang lugar ilaha gayod kini.

Ang mga establisemento nga nagbarog sa lugar dha man nikuha sa lang barangay og mga business permit.

Apan si Kapitan Perla Cabanes barangay Tangke ma­saligon usab nga mopabor kanila ang desisyon tungod kay mismo ang Talisay Fish Port nakabutang ang pangan sa ilang barangay.

Matod ni Cabanes nga kon duna silay mga dukomento aduna usab silay ikapakita.

Siya niingon nga kon ang desisyon sa konseho adto pabor sa San Roque ila kinig tukion sa ilang konseho sa barangay, apan kon maabot sa korte andam gihapon kini nilang panalipdan ang ilang katungod pag-angkon kon asa gayod ang utlanan sa ilang barangay.

Si Konsehal Raul Cabanero nagkanayon nga sa dili pa mahuman ning buwana moduso na siyang committe report labot niini ug sa iyang report iyang itugyan ngadto sa konseho ang paghukom tungod kay matod niya nga usa kini ka political isyu.

Nagtuo si bucao nga ang iyang mga kaubang konsehal dili usab modesisyon kon asa sila pabor tungod kay posebling mahiubos usab ang mga opisyal sa barangay nga makadaot kanila sa umaabot nga eleksyon.

Apan iyang gihangop ang plano sa duha ka barangay nga ipaabot ngadto sa korte ang kasungian og dili sa konseho, gani mas maayo unta nga ila kining gihimo kaniadto pa og wala nalang giagi sa konseho.

Nasayran ang maong kasungi-an gisuwayan nag husay sukad pa kaniadto sa miaging pang mga administrasyon apan wala gayod masulbad sanglit magpanagan sa pagdesisyon ang mga nanglingkod nga opisyal. (DRT)

Gipatik sa mantalaang Superbalita Cebu Oktubre 07, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments