Bag-ong buhatan sa Napolcom | SunStar

Bag-ong buhatan sa Napolcom

Time to read
less than
1 minute
Read so far

Bag-ong buhatan sa Napolcom

Friday, October 06, 2017

MAKABATON og kaugalingon ug bag-o nga buhatan ang National Police Commission kauban sa ubang rehiyonal nga mga buhatan sa gobiyerno sa Sudlon, Barangay Lahug, siyudad sa Sugbo.

Ang duha ka andana nga edipisyo pabarugon sud sa 1,000 metro kwadrado nga luna nga gipanag-iya sa kagamhanan sa lalawigan sa Sugbo ug gidonar ngadto sa Napolcom niadtong 2015. Nahimutang kini tapad sa Civil Service Commission-North extension office.

Sugdan ang pagtukod sa building sa sunod buwan ug gipaabot mahuman sa unang kwarter sa 2018.

Niadtong Huwebes, gihimo ang groundbreaking nga gitambungan sa mga opisyal sa Kapitolyo pinangulohan ni Gob. Hilario Davide III ug mga opisyal sa komisyon.

Niadtong Septiyembre 2015, gipalabang sa Sangguniang Panlalawigan sa Sugbo pina­ngulohan ni Bise Gob. Agnes Magpale ang Resolution no. 1776 nga nagtugot kang Davide pagdonar sa usa ka bahin sa yuta sa Kapitolyo. (SCG)

Gipatik sa mantalaang Superbalita Cebu Oktubre 07, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments