Ordinansahon batok bonnet gisupak | SunStar

Ordinansahon batok bonnet gisupak

Time to read
1 minute
Read so far

Ordinansahon batok bonnet gisupak

Friday, October 06, 2017

BISAN kon maayo ang ka­tuyuan sa draft ordinance 98-2017 nga nagdili sa pagsul-ob og bonnet/balaclava, ski-mask, head dress o bisan unsa nga makatabon sa dagway sa drayber sa motor ug angkas niini samtang nagdagan sa kadalanan sa dakabayan sa Mandaue, gisupak gihapon kini sa hugpong sa mga tigdrayb og motorsiklo atol sa public hearing niini niadtong Huwebes sa hapon.

Ang grupong Motorcycle Rights Organization (MRO) ni­ingon nga ang tinguha sa dakbayan di epektibo ug makadaot sa panglawas sa mga nagmotor.

Tuyo sa draft ordinance 98-2017 nga dali mailhan ang dautang mga elemento nga nalambigit sa krimen sanglit daghan sa mga kriminal nga nagmotorsiklo di mailhan ang dagway tungod kay nataptapan.

Apan si Marjun Tacder, vo­lunteer member sa MRO, nipadayag sa iyang pagsupak ug nagkanayon nga makatampo sa kadaot sa panglawas sa mga nagmotor ang maong tinguha nga kanunay makahanggap og abog kon aprobahan ang maong tahas.

“We believe that the intention of the ordinance is good but it’s ineffective and a health-hazard,” matod ni Tacder.

Luoy kadtong mga hubakon nga nagmotor sama niya nga ga-motor kada-adlaw paingon sa trabaho ug makahanggap og abog ug itom nga aso.

Sugyot ni Tacder nga mangita ang kagamhanan og laing paagi sa pagpakgang sa mga kriminal sama sa pagpahunong ug pag-search sa mga motor sa mga enforcer sa Traffic Enforcement Agency of Mandaue.

Apan ang pangulo sa Team nga si Glenn Antigua nagkanayon nga di mahimong makabuhat ang TEAM niini sangit di kini lakip sa ilang trabaho ug gidili kini sa balaod.

Makatabang batok sa kriminalidad. (JPP)

Gipatik sa mantalaang Superbalita Cebu Oktubre 07, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments