P200 mil gipatong sa ulo sa suspek | SunStar

P200 mil gipatong sa ulo sa suspek

Time to read
less than
1 minute
Read so far

P200 mil gipatong sa ulo sa suspek

Friday, October 06, 2017

MOABOT na sa 200 mil pesos ang ihatag sa dakbayan sa Talisay niadtong tawo nga makatabang sa pagtudlo sa gihimutangan ug moresulta sa pagkasikop ni Jessie Largo ug iyang kauban nga suspek sa pagpatay ni John Ronli Calizar, anak sa usa ka kanhi reporter.

Una niini P50 mil ng gitanyag sa kagamhanan sa Talisay alang sa mga tawo nga makatabvang sa kapulisan.

“Ang dakbayan sa Mandaue muhatag ug P200 mil man gud unya dili ko gusto nga makaluluoy ang Talisay. Unsa man dili ta ka afford,” matud ni Gullas.

Ang inahan sa namatay nipadayag sa iyang kasagmuyo nga niabot nag 42 ka adlaw sa dihang gipatay ang iyang anak apan hangtod karon wala pa kalamboan.

Matod usab niya nga wala na siya’y salig sa mga kapulisan sa Talisay human nadungog ang report nga aduna’y mga nagprotehir ni Largo nga naa sa kwerpo.

Apan giklaro ni Mayor Gullas nga aduna siyay pagsalig sa kapulisan sa Talisay pinangulohan ni Supt. Jason Villamater nga hatagan og prayoridad ang pagsulbad sa kaso.

Siya nipadayag nga kontento lang siya sa gipakitang trabaho sa kapulisan wala ra sab siya nihatag og tagal niini kun kanus-a nila madakpan ang gipangita nga si Largo.

Si Calizar gipusil-patay ni Lar­go ug sa kauban nga wala mailhi hangtod karon sulod sa kuwarto. (DRT)

Gipatik sa mantalaang Superbalita Cebu Oktubre 07, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments