18 ka mga paagi batok sa cancer | SunStar

18 ka mga paagi batok sa cancer

Time to read
1 minute
Read so far

18 ka mga paagi batok sa cancer

Thursday, October 12, 2017

ANG Oktubre maoy buwan sa breast cancer awareness. Mao ni ang tinubdan sa terminong Pink October. Daghang mga kalihukan ka­rong buwana nga may la­bot sa breast cancer.

Ang breast cancer usa sa mga sakit nga maoy hinungdan sa kamatayon sa kababayen-an sa kalibutan. Niadto lang 2011, gibana-banang 500,000 ka mga babaye ang nangamatay sa kalibutan tungod sa mao nga sakit.

Ang breast cancer usa unta sa matang sa cancer nga sayon nga ayuhon basta mabantayan nga sayo.

Sa Guangzhou, China, du­nay modernong cancer hospital nga nagtanyag og 18 ka mga pamaagi sa pagtambal sa cancer. Mas daghang pamaagi, mas dako ang kahigayunan nga maalim ang balatian. Kon di man gani, malugwayan pa og taas ang kinabuhi.

Lahi kini sa naandang mga pamaagi sa pagtambal dinhi sa nasod- chemotherapy, radiation therapy o kon di man gani, tangtangon ang parte sa lawas diin nahimutang ang tumor nga tinubdan sa cancerous cells.

Mga pamaagi

Sa St. Stamford Modern Can­cer Hospital Guangzhou, ilang gilikayan kining tulo ka mga pamaagi gamit ang 18 ka mga therapy.

Usa niini mao ang interventional therapy, usa sa mga pamaagi sa ilang pagtambal sa breast cancer. Gamit ang medical imaging nga ekipo, i-insert sa lawas ang catheter nga dunay kemikal sa chemo diretso ngadto sa tumor.

Labing minos 95 porsyento sa kemikal moigo sa tumor hinungdan nga minos ang epekto niini ngadto sa panglawas sa pasyente. Sa naandan nga che­mo­therapy dinhi sa atoa, ang maa­yo nga cells madaut kay tibu­ok lawas ang gidapatan sa chemo.

Naa usab silay gene targeted therapy. Niini, susihon sa doktor ang matang sa gene mutation sa cancer aron mahibaw-an usab kon unsa nga pamaagiha sa pagtambal ang gamiton. Ang cancerous cells hulipan sa normal cells nga gikuha ra usab gikan sa pasyente. Niining paagiha, molig-on ang lawas sa pakigbatok sa cancer.

Mogamit sila og di ordinaryong dagom nga itanom ngadto sa tumor. Gitawag kini og cryotherapy tungod kay ang temperatura sa dagom ang mopatay sa tumor. Duna kini temperatura nga -180 degrees Celsius paubos. Patyon ang tumor sa kabugnawon sa mga dagom.

Kombate

Sa pagbisita sa Superbalita Cebu sa ilang ospital di pa dugay, duha ka mga Pinoy ang lakip sa ilang mga pasyente nga dunay cancer nga pulos mga babaye.

Ang 51 anyos taga Lipa City, Batangas samtang ang 58 anyos taga San Pablo Ciry, Laguna.

Matod sa duha ka mga pas­yente nga naigo sa managlahing klase sa stage 4 cancers, maayo ang epekto sa pagtambal kay wa kaayo sila maluya ug wa maguba ang ilang panagway, sama sa pagkalarag sa mga buhok hinungdan sa pagka upaw.

Nahibaw-an nila ang Sr. Stamford pinaagi sa Facebook ug wa sila magmahay nga nidiretso sila sa pagpatambal sa mao nga tambalanan.

Kon ikaw interesado nga masayod sa kinatibuk-ang paagi ug pila ang magasto, duna silay forum ug konsultasyon ugma, Sabado, gikan sa ala 1 ngadto sa alas 4:30 sa hapon sa Crystall Ballroom sa 2nd floor sa Mandarin Hotel sa may Archbishop avenue, usa sa mga hotel nga duol sa flyover sa Ayala Center Cebu.

Gipatik sa mantalaang Superbalita Cebu Oktubre 13, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments