Ginang gibinlan na lang og kuptanan sa bag | SunStar

Ginang gibinlan na lang og kuptanan sa bag

Time to read
less than
1 minute
Read so far

Ginang gibinlan na lang og kuptanan sa bag

Thursday, October 12, 2017

GINANG niabot sa Talisay Police station nga kuptanan na lang sa iyang shoulder bag ang nahabilin human gilabni sa wa mailhing tawo nga sakay sa motorsiklo.

Gumikan niini, kapulisan sa Talisay City nipahimangno nga di mokompyansa karong panahona ilabi na kay nag-angat na ang ilang pista ug daghang mga baglungon ang mopahimulos sa higayon.

Ang ni-report sa kapulisan giila nga si Josephine Cansacion, hingkod, taga barangay Tanubok sa maong siyudad.

Sigun sa iyang asoy nga ka­gahapon pasado alas 9 sa buntag, nagsakay siyag traysikol habig sa luyo sa drayber.

Paghiabot sa may City Central School sa barangay Poblacion, usa ka wa mailhing tawo nga nag-angkas sa motorsiklo ang nilabni sa iyang bag nga gikuptan.

Gumikan sa iyang pagpugong nga di makuha, nasamad pa ang iyang tudlo ug nagisi ang bag ug ang kuptanan nalang ang nahabilin human magisi.

Iyang gibutyag nga ang bag adunay sulod nga P4,000 ug du­ha ka mahalong mga cellphone ug mga impotarting dukomento.

Gisuwayan sa kapulisan sa Talisay pag-subay sa nahitaboan kuyog si Cansacion apan wa na niya makit-i pa ang mga kawatan. (DRT)

Gipatik sa mantalaang Superbalita Cebu Oktubre 13, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments