Grand Marian Procession ipahigayon karong gabii | SunStar

Grand Marian Procession ipahigayon karong gabii

Time to read
less than
1 minute
Read so far

Grand Marian Procession ipahigayon karong gabii

Thursday, October 12, 2017

KON adunay dili importante nga lakaw karong gabii, mas maayo nga dili na lang molakaw o magdala og sakyanan.

Kini tungod kay gipanglantawan nga huot ang traffic karong gabii subay na usab sa Grand Marian Procession sa dakbayan sa Sugbo.

Samtang, giawhag ang ta­nang magtutuo sa pag-apil sa prosisyon.

Magsugod ang assembly alas 8:00 sa gabii diin magtapok ang mga deboto sa Birhen sa Fatima sa Cebu Provincial Capitol ug magsugod kini pagprosisyon alas 9:00 sa gabii.

Gikan sa Capitol, mag-procession kini paingon sa Basilica Minore del Sto. Niño.

Gamiton ang lane sa tuo ug sirhan sa motorista ang trapiko apan ablihan kini kon nakaagi na tanan karusa ug ang motambong.

Matod ni Archbishop Jose Palma sa Archdiocese of Cebu nga padayon ang proisyon bisan pa man og uwanon karong gabooi.

Dugang ni Palma, ang Oktubre 13, anibersaryo sa pagpakita sa mahal nga birhen sa Fatima ngadto sa tulo ka bata nga sila si Jacinta, Francisco ug Lucia, hinungdan usa ka grand marian procession ang ipahigayon diin 17 ka mga carroza gikan sa lainlaing parokya nga adunay mga nagkadaiyang titulo sa mahal nga birhen ang moapil niini.

Agi kini og pagpamalan­dong ug pagpasalamat sa Dios sa pagpakita sa dakong gugma sa inahan. (HBL)

Gipatik sa mantalaang Superbalita Cebu Oktubre 13, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments