Pag-abang sa dumptrucks gikuwestiyon | SunStar

Pag-abang sa dumptrucks gikuwestiyon

Time to read
less than
1 minute
Read so far

Pag-abang sa dumptrucks gikuwestiyon

Thursday, October 12, 2017

GIKWESTIYON karon sa mga konsehal sa Barug Team Rama kining pagpangabang sa syudad og dump truck alang sa paghakot sa basura.

Ang dakbayan sa Sugbo aduna’y kontrata sa Pasajero Motor Corp. (Pamocor) sa 21 ka trucks niini diin nagkantidad kini og P700 matag oras.

Sa pakighinabi sa tigbalita sa mga konsehal sa Team Rama kagahapon, gipakita ni Konsehal Joel Garganera ang mga hulagway sa giingong 2017 model sa Isuzu Canter diin nagpakitang daan na kini.

Si Eduardo Rama Jr. gusto nga adunay estrikto nga monitoring sa maong trucks diin nagdagan 24 oras tungod kay P504,000 ang gasto sa syudad niini matag buwan o P16,800 ang adlaw.

Sukad nangabang ang syudad sa maong mga truck, anaa sa P10,584,000 ang bayad niini karong buwan lang.

Tulo ka buwan o 111 days ang kontrata sa syudad niining mga truck nga nagkantidad og P39.1 milyones.

Dugang ni Rama, mas ma­­ayong nipalit ang kagam_hanan og trucks imbes nga mangabang human naa lang sa P858,000 ang ma­tag truck diin makahimo nga makapalit ang syudad og 15 ka truck sa usa ka tuig sa maong budget.

Apan wala na magamit ang trucks nga gipalit sa panahon ni kanhi Mayor Micheal Rama sa pagsupak sa mga konsehal sa BOPK. (HBL)

Gipatik sa mantalaang Superbalita Cebu Oktubre 13, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments