Shame campaign sa Pajo giusab sa barangay kapitan | SunStar

Shame campaign sa Pajo giusab sa barangay kapitan

Time to read
less than
1 minute
Read so far

Shame campaign sa Pajo giusab sa barangay kapitan

Friday, October 13, 2017

ARON way malapas nga tawhanong katungod ngadto sa tag-balay, giusab sa barangay Pajo, Lapu-Lapu City ang paagi sa ilang agresibo nga kampanya batok sa ginadiling drugas.

Ang homeowner maoy ma­ngunay og marka sa ilang struk­tura nga “drug-free” sa pagpa­matuod nga niundang na sa hingpit ang tagbalay sa pagga­mit o pagpamaligya og illegal drugs.

Matod pa ni Kapitan Junard “Ahong” Chan, ilang suroyon ang matag sityo ug pag-awhag niadtong giila nga drug personality sa pagsurender sa pulis sa di pa butangan og marka nga drug free ang ilang pinuy-anan.

Nahimong kontrobersiyal ang paagi ni Chan sa kampanya batok sa illegal drugs sa dihang gitawag ang iyang attention kalabot sa iyang ‘shame campaign’ nga markahan og “Identified Drug Den Area” kadtong paabangan nga gihimong suyopanan.

Giklaro sa opisyal nga kabubut-on sa landlord nga butangan og marka ang iyang paabangan nga lawak gumikan sa ilang kabalaka sa seguridad ug posibilidad nga madudahan nga nagtinir og mga drug user sa ilang area.

Niadtong Miyerkules sila Chan ug mga barangay kapitan sa siyudad sa Sugbo, apil na si Ermita Barangay Captain Felicisimo “Imok” Rupinta nagtagbo sa mga opisyal sa Commission on Human Rigts (CHR) 7 ug law enforcement agencies diin gihisgutan ang ilang paagi sa pagsulbad sa problema sa drugas sa ilang barangay. (FVQ)

Gipatik sa mantalaang Superbalita Cebu Oktubre 14, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments