Dumadapig nilang Diamante, Lagon giawhag sa pagkalma | SunStar

Dumadapig nilang Diamante, Lagon giawhag sa pagkalma

Time to read
less than
1 minute
Read so far

Dumadapig nilang Diamante, Lagon giawhag sa pagkalma

Tuesday, October 17, 2017

NANAWAGAN si Gob. Hilario Davide III sa mga tigpaluyo nilang Tuburan Mayor Democrito “Aljun” Diamante ug sa kaatbang niini nga si Daphne Lagon nga mamahimong kalma ug di maghimog kagubot.

Kini nunot sa pag-deklarar sa korte nga si Lagon maoy mananaog sa eleksyon human ang recount, subay sa protesta nga giduso niini.

Bisan sa uwahing desisyon sa korte nga nipabor kang Lagon, nagtuo hinuon si Davide nga si Diamante ang nidaog human kini giproklamar sa Commission on Elections human sa piniliay niadtong 2016, diin siya nilabaw og 46 lang ka buto.

Si Diamante nagpapili pagka-mayor niadtong 2016 ubos sa Liberal Party (LP) nga gipangulohan ni Davide dinhi sa Sugbo apan di pa lang dugay, nitapon sa administration party nga PDP Laban ang mayor.

Plano karon ni Lagon nga molingkod na sa pwesto ug panaugon si Diamante sa katungdanan hinungdan nga giawhag ni Davide ang ilang mga supporter nga di magpadala sa emosyon, nga posibleng moresulta sa kagubot. (AZDL)

Gipatik sa mantalaang Superbalita Cebu Oktubre 18, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments