Nakuryentihan, patay | SunStar

Nakuryentihan, patay

Time to read
1 minute
Read so far

Nakuryentihan, patay

Friday, November 10, 2017

PATAY ang usa ka mag-uuma sa Barangay Sibugay, dakbayan sa Sugbo hu­man nakuryentihan, pa­sado a­­­las 11:00 Huwebes sa buntag.

Samtang, naangol ang i­­­­yang asawa nga misuway pagluwas ug naa karon sa tambalanan.

Ang biktima, si Bernabe Sibonghanoy, 46, minyo nga nagpuyo usab sa dapit, patay dihadiha dayon human malatayi sa kusog nga kuryente sa iyang lawas.

Matod ni SPO1 Janice Tamayo, imbestigador sa Homicide section sa Cebu City Police Office, nga samtang nanguma si Sibonghanoy nanguha usab ni og kawayan aron iali sa gipanpan niini nga yuta aron dili modahili ngadto sa ubos.

Apan sa dihang iyang gitumba ang kawayan nasangit kini sa live wire sa poste nilatay ang kuryente sa kawayan diretso sa iyang lawas.

Ang asawa nga si Gina nga nakakita sa nahitabo nga niadtong tungora nag atiman usab sa ilang uma midagan kini paduol sa iyang bana nga mikirig na iyang gisuwayan sa pagbira apan siya na usab ang nakuryentihan.

Nakita sa ilang silingan nga si Julito Ardiente ang nahitabo ang misuway usab ug tabang apan sa iyang paghana pagbira sa buhok daw sa giitsa kini sa layo tungod sa kuryente.

Wala maunsa si Ardiente apan si Bernabe naboak ang dapit sa liog tungod sa kakusog sa kuryente. Si Gina nakaangkon usab ug dakong samad sa tuhod diin gituohan nga didto migawas ang igo sa kuryente.

Si Barangay Kapitan Jerson Cadanpog na ang nanawag sa ilang Emergency Medical Services aron madala sa tambalanan ang mga biktima.

“Naabtan nalang ni sa ilang kapitan nga nangatumba na nya kining si Gina nawad-an ni ug panimuot pero buhi pe­ro ang na grabihan ang bana nga nabuslot ang liog agi siguro to sa kuryente,” matod ni SPO1 Janice Tamayo.

Si Gina naa pa karon sa usa ka pribadong tambalanan sa syudad sa Sugbo aron magpaalim sa iyang naangkon nga samad sa tuhod.

“Wala silay nakitang foul play sa kamatayon sa biktima sanglit wala tuyoa nga ang punoan sa kawayan nga iyang giputol masangil sa live wire sa poste sa Veco,” matod ni Tamayo.

Gipatik sa mantalaang Superbalita Cebu Nobyembre 11, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments