NAHIMONG problema sa sektor sa turismo sa dakbayan sa Lapu-Lapu ang dakong alkansi niini human sa presensya sa Abu Sayyaf sa Bohol niadtong Abril.
Gipun-an pa ang alkansi dihang niulbo ang krisis sa dakbayan sa Marawi sa Mindanao gumikan sa kombati sa gobyerno batok sa Maute group nga nipadayag og suporta sa ISIS.
Matod ni Lapu-Lapu City Tourism Officer Hembler Mendoza nga bisan nasumpo na ang Abu Sayaf sa Bohol ug napukan na sa gobyerno ang Maute sa Marawi, apan naglisod pa gihapon ang tourism sector sa pagbawi sa ilang alkanse.
“Cancelled room accomodation, we’re talking about MICE or banquet, so naproblema gyud sila (hotels and resorts). One entity, they lost right and then P30 million for MICE. Some is individual from Online booking, some group, some team building, some are social activities, domino effect dayon,” ni Mendoza.
Tungod niini, ang Dakbayan mopahigayon og tulo ka adlaw nga Lapu-Lapu City Tourism Expo diin tuyo niini nga ma-promote ang mga resort, hotels, ug mga aktibidad sa Mactan.
“We come up to focus on promoting Lapu-Lapu City and market the city immediately. What I did, we come up with a new campaign and then this time we come up with the Lapu-Lapu City Tourism Expo...” ni Mendoza sa Superbalita Cebu. (JPP)