Brgy. konsehal gidakop sa CIDG | SunStar

Brgy. konsehal gidakop sa CIDG

Time to read
less than
1 minute
Read so far

Brgy. konsehal gidakop sa CIDG

Tuesday, November 14, 2017

KONSEHAL sa Barangay Matab-ang, Toledo City ang nasikop sa mga sakop sa Criminal Investigation and Detection Group-7 inabagan sa Toledo police station kagahapon sa hapon.

Ang nasikop mao si Algerico Empinado Tanilon, 47, minyo nga nagpuyo sa sitio Tunga, Barangay Matab-ang, nga nakuhaan sulod sa iyang balay og .45 nga pistola ug pito ka mga bala niini.

Si Chief Insp. Chuck Barandog, kinsa nangulo sa pag serve sa search warrant, nagkanayon nga taod-taod na nilang gimonitor si Tanilon human gireklamo sa pipila ka mga residente nga magdala-dala og armas sa ilang lugar.

Gawas sa iyang pagdala-dala sa armas nga ipakita pa sa iyang mga silingan dunay mga panahon nga magpa buto pa kini sa armas.

“Gireklamo nani siya nga mao lagi na magtakin og armas, pinagawas pa ang holster sa iyang kilid, presko kaayo ba nya wala siyay lisensya,’” matod ni Chief Insp. Chuck Barandog.

Wala malambigit sa illegal nga drugas ang konsehal gani aktibo kini sa kampanya batok sa mga drug personalities sa ilang barangay.

“Iyang rason nganong nagdala siya og armas kay depensa daw sa iyang kaugalingon kay active man sad ni siya,” matod ni Barandog.

Illigal possesion of firearms ang ipasaka batok sa konsehal. (AYB)

Gipatik sa mantalaang Superbalita Cebu Nobyembre 15, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments