Mga sakop sa Maute Group posibling ania usab sa Sugbo | SunStar

Mga sakop sa Maute Group posibling ania usab sa Sugbo

Time to read
less than
1 minute
Read so far

Mga sakop sa Maute Group posibling ania usab sa Sugbo

Tuesday, November 14, 2017

MGA sakop sa Maute nga nakig giyera sa mga sundalo sa gobiyerno didto sa syudad sa Marawi posibling moabot sa Sugbo.

Niini, matod pa sa militar, hugot nga gi-monitor karon sa kasundalohan ang palibot ug subsub usab angilang pagbantay aron dili kini makahimog teroristang kalihukan.

Wala gisalikway sa pangulo sa armadong kusog sa nasud, General Rey Leonardo Guerrero, nga moabot sa Sugbo ang mga miyembro sa Maute group, nga nakagawas sa war zone sa dakbayan sa Marawi, human pipila niini ilang nangadakpan didto sa ubang bahin sa Luzon.

Apan gipasalig ni Guerrero nga magpabilin ang kalinaw sa tibuok Sugbo.

“Hindi ko masasabi na wala ano, may posibilidad yan kase nakita nga natin na yung kaigtingan ng labanan sa Marawi may mga elemento na nagpilit na tumakas at umalis sa area in fact na intercept natin ang iba dito sa Visayas,” matod ni Guerero.

Gipahugtan pa nila karon ang pagbantay nunot sa kalihukan sa Asean summit didto sa kaulohan.

Sa sunod nga mga semana ang Central Command mopadala usab og liboan ka mga sundalo sa lalawigan sa Bohol alang sa laing kalihukan sa Asean summit.

Kapin sa 10,000 ka mga sakop sa militar ang gipakatap aron paghatag og kasi­guroan sa maong kalihukan.

Samtang magpabilin pa sa syudad sa Marawi ang duha ka batallion. (AYB)

Gipatik sa mantalaang Superbalita Cebu Nobyembre 15, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments