Firecracker zone sa Lapu-Lapu ipatuman | SunStar

Firecracker zone sa Lapu-Lapu ipatuman

Time to read
less than
1 minute
Read so far

Firecracker zone sa Lapu-Lapu ipatuman

Wednesday, December 06, 2017

GIMANDUAN ni Mayor Paz Radaza ang mga barangay opisyal sa dakbayan sa La­pu-Lapu nga motagana og usa ka dapit nga magsilbing "firecracker zone".

Ang firecracker zone maoy gi­tugotan nga lugar alang niad­tong mga konstituente nga mag­pa­buto og firecrackers o pyro­tech­nics atol sa pagsaulog sa Pas­ko ug pagsugat sa Bag-ong Tuig.

Gikinahanglan nga ang maong area layo sa mga kabalayan aron nga malikay sa posibleng sunog gumikan sa pagtugpa sa pabuto.

“Ato ana ang safety sa ma­tag barangay,” tipik sa pamahayag sa mayor atol sa press conference kagahapon.

Gipahibawo sa opisyal nga way limitasyon kon pila ka area ang i-identify nga magsilbing firecracker zone sa usa ka barangay, diin moabag sab ang kapulisan sa pagpatuman niini.

Ang Barangay Agus, mainland Lapu-Lapu ug Caw-oy nga nahimutang sa isla sa Olango mao pay nitunol sa ilang tubag ingon man sa talaan alang niadtong dapit nga ilang giila nga firecracker zone.

Dugang pa sa mayor nga sa higayon adunay disgrasya o panghitabo gumikan sa paggamit og pabuto nga wa motuman sa firecracker zone manubag ang barangay opisyal ngadto kaniya. (FVQ)

Gipatik sa mantalaang Superbalita Cebu Disyembre 07, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments