Mga militante dunay katungod nga respetuhan | SunStar

Mga militante dunay katungod nga respetuhan

Time to read
1 minute
Read so far

Mga militante dunay katungod nga respetuhan

Wednesday, December 06, 2017

MGA militanteng pundok nga nagsilbi na usab nga front groups o supporters sa Communist Party of the Philippines ug sa New People’s Army mas maayong di hilabtan o hukman isip terrorist sympathizers.

Kini taliwala sa deklarasyon ni Presidente Rodrigo Duterte nga mga teroristang grupo ang CPP ug NPA.

Matod ni retired judge Meinrado Paredes, hangtod nga nahasubay pa sa balaod ang ilang gipanghimo, angay hatagan ang maong mga organisasyon og igong respeto.
Nideklarar si Duterte sa CPP ug NPA isip mga terrorist organizations.

Ang CPP-NPA dunay suporta gikan sa nagkadaiyang militanteng mga pundok o front groups, nga nakigbisog usab alang sa mga marginalized sector ug sa mga nilupigan sama sa Bayan, Anak Pawis, Karapatan ug uban pa.

Si Paredes sa Free Legal Assistance Group (FLAG) nagtuo hinuon nga bisan sa suporta nga gihatag sa maong mga grupo sa CPP-NPA, angayang di sila direktang pagatwagon nga mga terorista usab.

Gipasabot ni Paredes nga dunay katungod ang mga militanteng pundok nga mopadayag sa ilang kaugalingon sa bisan unsang paagi, basta di lang sila makalapas sa balaod.

“Kining mga tawhana, who are suspected of belonging to the front organizations, definitely they are not combatants. And under international law, they have the right to be respected. So far, there is no clear evidence that they are operating beyond the bounds of law,” niingon si Paredes.

Ang mga sakop sa mga front group nga di makauyon sa posible usab nga pag-tag kanila isip mga terrorist sympathizers mahimong moreklamo niini ngadto sa Commission on Human Rights o kaha sa United Nations.

Sigun ni Paredes, duna’y desisyon kaniadto ang Korte Suprema nga nag-ila sa grupong Bayan isip partylist aron makaapil sila sa parliamentary struggle sa legal nga paagi ug dili makig-gubat o mosukol sa gobiyerno. (AZDL)

Gipatik sa mantalaang Superbalita Cebu Disyembre 07, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments