Sakop sa CSU sa Toledo sikop sa PDEA buy bust | SunStar

Sakop sa CSU sa Toledo sikop sa PDEA buy bust

Time to read
less than
1 minute
Read so far

Sakop sa CSU sa Toledo sikop sa PDEA buy bust

Wednesday, December 06, 2017

KANHI sakop sa City Traffic Operations Movement (CITOM) nakuhaag binultong drugas atol sa buy bust o­­­peration sa Philippine Drug Enforcement Agency (PDEA) 7 kagahapon sa kaadlawon sa may C. Padilla, Brgy, Pahina San Nicolas, dakbayan sa Sugbo.

Si Domineciano C. Calunsag, 53, minyo, karon sakop na sa Civil Security Unit (CSU), sa Dakbayan sa Toledo gipusasan sa mga ahente sa PDEA-7 human nakuhaag unom ka bultong shabu nga motimbang sa 30 gramos nga balor og P192,000.

Si Calunsag gipanid-an sa mga ahente sa PDEA-7, gipalitan og usa ka bultong shabu nga mobalor og P32,000 gamit ang boodle money.

Lakip sa nabawi sa PDEA-7 ang boodle money.

Samtang usa ka inahan nga asawa og bigtime drug pusher nasikop sab kagahapon sa kadlawon ug nakuhaan og binultong drugas sa may A. Boromeo Street, Brgy.Pahina Central, dakbayan sa Sugbo.

Si Rosalita Monteadora, 51, minyo, nasikop sa mga a­­­hente sa PDEA 7 human sa buy bust operation.

Siya nakuhaan og lima ka bultong shabu nga motimbang og 20 gramos nga mobalor og P128,000.

Si Monteadora gipanid-an sud na sa pipila ka mga se­mana.

Human makompirmar nihimo sa operasyon.

Ang mga ahente sa PDEA-7 mipalit og usa ka bultong shabu kang Monteadora nga mobalor og P32,000 gamit ang boodle money. (GPL)

Gipatik sa mantalaang Superbalita Cebu Disyembre 07, 2017.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments