Mga dapit sa south nadaut sa bagyo | SunStar

Mga dapit sa south nadaut sa bagyo

Time to read
less than
1 minute
Read so far

Mga dapit sa south nadaut sa bagyo

Wednesday, January 03, 2018

GITAN-AW karon sa Provincial Disaster Risk Reduction and Management Office (PDRRMO) ang posibilidad nga idugang sa mga dapit sa northern Cebu nga ipaubos sa state of calamity ang mga lokalidad sa habagatang Sugbo nga nakasinati sa dautang epekto sa bagyong Agaton.

Una nang nagdeklarar og state of calamity sa siyam ka mga lungsod ug usa ka siyudad sa northern Cebu sa miaging buwan human usab niigo ang bagyong Urduja. Sa inisyal nga assessment sa PDRRMO, nagbilin og kadaot ang bagyong Agaton sa siyam ka mga lungsod ug duha ka mga siyudad sa habagatang Sugbo.

Lakip niini ang Ginatilan, Ma­labuyoc, Alegria, Dumanjug, Ba­rili, Sibonga, Argao, Alcoy ug Boljoon ingon man ang mga siyudad sa Carcar ug Toledo.

Nunot niini, wala isalikway sa PDRRMO ang posibilidad nga ipaubos ang maong mga lokalidad sa southern Cebu sa state of calamity, sama sa gihimo sa mga dapit sa amihanang Sugbo, nga naapektohan usab sa bagyong Urduja sa miaging buwan.

Matod sa tigpamaba sa PDRRMO, Julius Regner, mahimong amendahon lang ang una nang deklarasyon sa state of calamity sa northern Cebu ug ipuno nalang niini ang mga apektado sa bagyong Agaton. (AZDL)

Gipatik sa mantalaang Superbalita Cebu Enero 04, 2018.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments