Habalhabal drivers, management sa mga negosyo gitigom | SunStar

Habalhabal drivers, management sa mga negosyo gitigom

Time to read
less than
1 minute
Read so far

Habalhabal drivers, management sa mga negosyo gitigom

Friday, January 12, 2018

GITIGOM ang mga lider sa nagkadaiyang grupo sa ha­balhbal drayber ug ma­nage­ment sa commercial es­­tablishments sa dakba­yan sa Lapu-Lapu labot sa pre­parasyon alang sa Si­­nulog ug ‘Traslacion’.

Matod pa ni PCI Mark Sucalit, hepe sa City Intelligence Branch sa Lapu-Lapu City Police Office nga ang katuyoan sa gipatawag nga tigum nga kaabagan ang kapulisan sa pagbantay niadtong kadudahang grupo o dautang elemento nga mosiaw.

Ang pundok sa mga drayber makatabang sa kapulisan sa pag-monitor o detect niadtong adunay dautang tuyo.

Samtang, ang mga mall ug ubang business establishment sagad maoy target sa posibleng terroristic attack gumikan kay hugpaan sa daghang tawo o pagpanulis kay busy ang kapulisan sa pagbantay sa kinabag-an ilabi na nga adunay dakong selebrasyon.

“This aims to empower the different stakeholders of Lapu-Lapu City Police Office on its effort to curb criminalities,” tipik sa pamahayag ni Sucalit.

Gaswas sa alahas, gi-discourage sab ang pagdala og backpack aron nga dili mahasol sa inspection. (FVQ)

Gipatik sa mantalaang Superbalita Cebu Enero 13, 2018.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments