Naga motuman sa rekisitos sa PRA | SunStar

Naga motuman sa rekisitos sa PRA

Time to read
less than
1 minute
Read so far

Naga motuman sa rekisitos sa PRA

Friday, January 12, 2018

MOTUMAN ang kagamhanan sa dakbayan sa Naga sa ta­nang gikinahanglang mga rekisitos sa Philippine Reclamation Authority (PRA) alang sa gipasiugdahan nga reclamation projects.

Kini bisan kon gitugotan ang Naga City Government nga maka-reclaim sa foreshore nga mga luna ubos sa Charter.

Si kanhi mayor Valdemar Chiong nihatag sa katin-awan human namantala sa Sun.Star Cebu, igsuong mantalaan ning buhatan niadtong Enero 4, 2018, nga nag-quote niya nga dili na sila kinahanglan og pagtugot sa PRA ug provincial government kay gitugotan sila pag-reclaim u­­bos sa mandato sa city charter.

Ubos sa Republic Act 9491, kun City of Naga Charter, ang dakbayan may pagtugot pag-reclaim og foreshore lands, apil ang mga luna nga nalubog sa tubig nga nasud sa hurisdiksyon niini..

Kini subay sa mga provision nga nalatid sa Republic Act 1899 (An Act Authorizing the Reclamation of Foreshore lands sa Chartered Cities ug mga lungsod.

Ang Local Government Code nagtugot usab sa mga lalawigan ug siyudad nga mopasiugda og reclamation projects aron maserbisyohan ang mga panginahanglanon sa mga molupyo niini.

Gumikan sa limitado sa patag, ang City of Naga, ubos sa administrasyon ni Mayor Kristine Vanessa Chiong, gikinahanglan ang pag-reclaim og luna pinaagi sa City of Naga Coastal Development Project (CNCDP), sa 146 ka ektarya nga island-type reclamation project aron dunay gong lugar alang sa mga patigayon ug industriyaal nga katuyoan, bag-ong coastal road networks. (SCG)

Gipatik sa mantalaang Superbalita Cebu Enero 13, 2018.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments