Staff sa Apas BMO gitaktak | SunStar

Staff sa Apas BMO gitaktak

Time to read
less than
1 minute
Read so far

Staff sa Apas BMO gitaktak

Friday, January 12, 2018

NIHULGA si Cebu City Mayor Tomas Osmeña sa Barangay Mayor’s Office sa Barangay Apas nga posible niyang tangtangon ang maong bu­hatan subay sa kontro­bersiya sa solicitation letter nga gigamit ang seal sa City Government.

Kagahapon usab gianunsiyo ni Osmeña nga gitaktak na niya isip usa sa mga staff sa BMO sa Apas si Renato Jardaleza, kinsa mao ang giingong nagtunol sa mga solicitation letter sa business establishment sa Apas.

Si Jardeleza, sa iyang bahin, nanghimakak nga nanghulga sila sa business establishments.

“Wala man mi nang-harass,” matod ni Jardeleza.

Matod niya di siya ang naghimo sa solicitation letter.

Ang solicitation letter giingon nga nangayog kwarta nga gamiton isip suporta sa contingent nga apil sa Sinulog sa Barangay ugmang adlawa.

Sa maong solicitation, nangayo kini og P100,000-P1 milyon nga "hinabang."

Dugang ni Osmeña nga ipaubos usab niya sa imbestigasyon ang BMO sa Apas lakip na ang head niini. (HBL)

Gipatik sa mantalaang Superbalita Cebu Enero 13, 2018.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments