Uyuan gitigbas sa pag-umangkon | SunStar

Uyuan gitigbas sa pag-umangkon

Time to read
less than
1 minute
Read so far

Uyuan gitigbas sa pag-umangkon

Friday, January 12, 2018

UBAY, BOHOL - Patay ang uyuan nga giingong gitigbas sa iyang pag-umangkon nga adunay suliran sa pangisip didto sa Brgy. Katarungan, Ubay niadtong Martes.

Giila ang biktima nga si Selvestre Dungog, 60, minyo ug residente sa nahisgutang barangay.

Samtang ang suspek mao iyang pag-umangkon nga si Rogelio Boyles, 44, ulitawo, usa ka mag-uuma ug residente usab sa Purok 5, Brgy. Katarungan.

Sa pakisusi sa kapulisan, nasayran nga ang biktima naglakaw ug padung molabay sa balay sa suspek.

Paglabay sa biktima sa panimay ni Boyles apan kalit miduol ang suspek ug gitigbas ang biktima gamit ang hait nga hinahiban sa way igong hinungdan.

Gidala ang biktima sa labing duol nga tambalanan apan nakabsan kini sa iyang kinabuhi. (LRB)

Gipatik sa mantalaang Superbalita Cebu Enero 13, 2018.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments