LTFRB manghatag na og prangkisa sa TNVS | SunStar

LTFRB manghatag na og prangkisa sa TNVS

Time to read
less than
1 minute
Read so far

LTFRB manghatag na og prangkisa sa TNVS

Tuesday, February 13, 2018

GIKAN sa 500, gipasakaan sa Land Transportation Franchising and Regulatory Board ngadto sa 1,500 ang ablihan nga prangkisa alang sa transport network vehicle services (TNVS) sa Sugbo.

Si LTFRB 7 Director Ahmed Cuizon nibutyag nga magsugod na sila og dawat og aplikasyon karong Marso 5.

Apan dali niya giklaro nga ang 7,000 ka pending nga mga aplikasyon lang ang ilang i-entertain.

Dili na sila modawat og bag-ong aplikasyon alang sa TNVS unit.

“Ayaw na oi! Dili namo masud,” pahayag ni Cuizon dihang nahinabi sa Superbalita Cebu kagahapon kon modawat pa ba sila og bag-ong mo-apply alang sa prangkisa sa TNVS.

Ang director nitug-an nga niabot na og 7,000 ang ilang nadawat nga mga aplikasyon nga nitubo gikan sa 740 human sa gihatag nga deadline sa pagpanawat niadtong Septiyembre 2016.

“Those who are still planning to buy new cars for this purpose, please refrain from doing so. We won’t accept you since only those with pending applications up to July 2017 will be entertained," dugang ni Cuizon. (SCG)

Gipatik sa mantalaang Superbalita Cebu Pebrero 14, 2018.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments