Memorandum alang sa tree growing | SunStar

Memorandum alang sa tree growing

Time to read
less than
1 minute
Read so far

Memorandum alang sa tree growing

Tuesday, February 13, 2018

GIPALAPDAN pa sa Cebu Archiodecesan Commission on Environmental Concern (CACEC) ang tree growing program niini human si­la nakigtambayayong sa Foundation for the Philippine Environment (FPE) hu­man sa pinirmahay sa kasabutan kagahapon sa Archbishop’s Palace.

Si Cebu Archbishop Jose Palma maoy nangulo sa pagpirma sa memorandum of cooperation sa CACEC ug sa FPE.

Tumong sa kasabutan nga makatanom og dili mominus 500,000 ka mga tanom sa tuig 2021. Subay niini tukoron usab ang Committee on Environmental Concern (CEC) matag parokya.

Lakip sa motabang sa pagtanom sa 110,000 ka tanom kining siyam ka mga catholic groups lakip niini ang University of San Jose-Recoletos, University of San Carlos, Colegio Dela Immaculada Con­ception, Sacred Heart School-Hijas de Jesus, Acade­mia de San Pedro Calungsod, Association of Women Religious of Cebu, Religious of the Virgin Mary, Seaknights Inc., ug Apostleship of the Sea.

Alang sa FPE gitambungan ang maong pinirmahay sa ilang representante nga sila si Ramie Debuayan, FPE Visayas Regional Unit manager, ug Edel Garingan, FPE resource mobilization officer.

Gipailaila ni CACEC Chair Fr. Murphy Sarsonas kagaha­pon ang miyembro sa CACEC youth sa environmental programs sa simbahan. (HBL)

Gipatik sa mantalaang Superbalita Cebu Pebrero 14, 2018.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments