Valentine's Flash Mob masaksihan sa Lapu-Lapu | SunStar

Valentine's Flash Mob masaksihan sa Lapu-Lapu

Time to read
less than
1 minute
Read so far

Valentine's Flash Mob masaksihan sa Lapu-Lapu

Tuesday, February 13, 2018

Pakulo sa Valentines. Grupo sa mga batan-on ang ninghimo og pakulo sa kadalan sa Lapu-Lapu City alang sa pagsaulog sa Adlaw sa gugma. (Fritz Mengiuto, Lapu-Lapu PIO)

FLASH Mob masaksihan sa Oponganon sa nagkada-­iyang publikong lugar sa dakbayan sa Lapu-Lapu atol niining kasaulogan sa Valentine’s Day.

Magsilbi kining surprisa sa Lapu-Lapu City government nga gipahaom sa maong sele­brasyon nga gi-organize sa Tourism office executive assistant Nicole Balao.

Gihulagway ni Marielle Shane Palaubsanon, press information office sa city hall nga ang mga partisipante sa flash mob motipon sa publiko og kalit nga mohimo og drama dayon dungan nga manayaw.

Sagad sa wa mahibawo masurprisa kay makamugna kini og kalibog o kahibulong sa higayon nga mga batan-on magsugod na og panayaw.

Gipahibawo ni Mayor Paz Radaza ang mga dapit nga angayang atngan mao ang GMC Terminal sa barangay Pajo, Muelle Osmeña sa barangay Poblacion, Lapu-Lapu City Central School, public market area, Ibo Elementary School, Liberty Shrine sa barangay Mactan ug City Hall.

Masiksahan ang flash mob gikan sa 8:30 sa buntag ngadto na sa 5:00 sa hapon sa mga naasoyng lugar nga gihimo matag tuig nga kalihokan matag kasaulogan sa Valentine’s Day.

Samtang sa kadtong adu­nay tuyo o transaction sa city hall karong adlawa ma­kadawat og Valentine’s treat gikan ni Mayor Radaza.

“I wish nothing for Oponganons in today’s celebration of love and happiness, Happy Valentine’s Day!” mensahe ni Radaza. (FVQ)

Gipatik sa mantalaang Superbalita Cebu Pebrero 14, 2018.

Latest issues of SunStar Superbalita-Cebu also available on your mobile phones, laptops, and tablets. Subscribe to our digital editions at epaper.sunstar.com.ph and get a free seven-day trial.

View Comments