Kompaniyang mo-develop sa Kawit gisugdan nag susi sa Konseho

TABANGAN sa tanang mga kompaniya ilawom sa Robinson Group of Companies ang Universal Hotel and Resorts Inc. (UHRI) aron sila makapabarog sa P18 bilyones nga proyekto sa Kawit Island sa South Road Properties.

Kini maoy saad sa UHRI atol sa pagtuki sa unsolicited proposal aron ilang mapalambo ang walo ka ektarya nga luna sa Kawit island nga ipaubo sa joint venture tali sa City Government ug sa kompaniya.

Gisubay kagahapon sa Konseho ang kapasidad sa UHRI nga narehistro sa Securities and Exchange Commission isip corporation niadtong Agusto 2017 ug ang P18 bilyones nga puhonan nga maoy ilang gitanyag ngadto sa Siyudad maoy labing una nilang development.

Ang mga konsehal nga nanambong hilabi na ni Konsehal Raymond Garcia ug Sisinio Andales, kinsa sakop sa five-man ad hoc committee nga maoy gitahasan sa pagtuki sa proposal, niingon nga di problema sa proponent ang puhonan sanglit ang kompaniya ni John Robinson Gokongwei maoy ikaduhang labing dato nga Pilipino nga adunay kwarta nga $5.5 bilyones Subay sa proposal, ang Siyudad makabahin og 10 porsiyento sa kinatibuk-ang abang nga makolekta sa UHRI ug 2 porsiyento sa ilang gross income. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph