`Asset’ sa Pdea nasikop
-A A +AFriday, December 31, 2010
NIANGKON nga asset sa Philippine Drug Enforcement Agency (PDEA-) nasikop sa buy-bust operation sa kapulisan sa dakbayan sa Mandaue.
Ang nagtingkagol na sa prisohan sa Station-5 sa Mandaue City Police Office (MCPO) giilang si Roderick Sumalinog, taga San Remegio, Sugbo, apan kasamtangang nagpuyo sa Brgy. Umapad, giingong level-3 drug pusher.
Si Insp. Wilson Abot, pangulo sa Station-5 kun Opao Police Station, nibutyag nga ila na kining gioperasyonan kaniadto apan negatibo.
“Nakabantay siguro to or nahalin na mao tong wala tay nakuha,”asoy ni Abot nga nahinabi sa Sun.Star Superbalita.
Apan kagahapon sa kadlawon nilampos sila sa pagpahigayon og buy bust sanglit nakuhaan man kini og 40 ka pakiteng shabu.
Gumikan niini nagtuo si Abot nga mominus na unya ang supply sa shabu sa maong barangay ug mga silingang dapit.
Si Sumalinog nibutyag nga iya unta kining ibaligya sa ilang lungsod sa San Remegio atol sa pagsugat sa Bag-ong Tuig.
Giangkon ni Sumalinog nga asset siya sa PDEA-7 ug wa niya isalikway ang posebilidad nga giunay lang siya sa iyang mga kauban.
Gipatik sa mantalaang SuperBalita Cebu Enero 01, 2011.
Balita
Forum rules: Do not use obscenity. Some words have been banned. Stick to the topic. Do not veer away from the discussion. Be coherent and respectful. Do not shout or use CAPITAL LETTERS!
