Bayot giulo pagpusil, patay; wa pa mailhi

GITUOHANG bayot gipusil kagahapon sa kaadlawon sa tulo ka mga lalake sa may Sityo Awayan, Barangay Poblacion 3, Carcar, Sugbo.

Nakadawat og tawag ang Carcar Police station mga ala 1:20 sa kaadlawn gikan sa usa ka concerned citizen nga may gipusil sa ilang barangay.

Nasuta ni SPO2 Jurame Tanodtanod nga ang biktima di taga didto kay wa gyuy bisan usa nga nakaila.

Ila pa kining naabtan nga naa sa kritikal nga kondisyon tungod sa samad niini sa ulo samtang nagbuy-od pa sa karsada.

Dali nila kining gidala Carcar District Hospital apan namatay gyud kini sa iyang samad.

Ang mga mamumuno wa mailhi sa mga tawo sa dapit nga nakakita sa krimen kay mangitngit ang nahitaboan.

“Tulo ka wala mailhing lalaki ang atong suspek nga nagsakay og motorsiklo. Amo pa ning giimbestigar karon kon nganong ilang gipusil ning bayota,” dugang ni Tanodtanod.

Nagduda sila u gang mga tawo sa dapit nga was a maayong pangisip ang biktima.

Nakuha sa kapulisan gikan sa biktima ang usa ka bag ug mga duwaan.

Kasamtangan nga naa gihapon sa Carcar District Hospital ang lawas sa biktima,

“Naa pa gihapon ang lawas sa biktima sa Carcar District Hospital, kay wala man gyuy pamilya o kailang nikuha ani,” dugang ni Tanodtanod nga nahinabi sa Sun.Star Superbalita. Leo Neil V. Pintor-USJR Masscom Intern

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph